Dear U le Nau hna,
Nan zapi thawngtha bia i hrawm ding in kan sawm hna. Ka lung ah achuak ngai i ka rak tial mi asi. Asau pah i lungsau ten ka rel piak te uh.
Khrihfa mi kan nun nak ah Thlacam nak hi abiapi tuk mi asi ti kan theih. Sihmanhsehlaw, Thlacam suallam hi Bible in siseh, vawlei mifim hna nih an hmuh ning zong in zohpiak ve aherh. Cuai thlai piak aherh ngai. Cucaah keimah zong nih Thlacam kong ah ka hmuhning i hrawm dingin sermon tlawm pal ka hun tial ve.
Bible : Mathai 6 : 5-7, 16 nak rel hna usih. Mi depde hna Thlacam kong
Verse 5 ( Thla nan cam tik ah midepde pawl nih an caam ban tuk in va cam ve hlah uh. An nih nihcun mi nih ka hmu hna seh ti in Pumhnak inn chung I dir riangmang I cam le zatlang lam ton nak I cam kha an duh.
Verse 6 : Sihmanhsehlaw, Nan nih cu thla nan cam tik ah nan inn khan chung ah va lut uh law , in kaa va khar khumh uh law , cu ti cun hmuh khawh lo mi nan pa sin ah khan va cam uh. Athli te in nan tuah mi ahmu tu nan pa nih khan laksawng an pek hna lai.
Verse 7: Thla nan cam tik ah , Pathian bia lo mi hna nih sullam angei setlo mi biatampi an hman ban tuk in va hmang ve hlah uh. An nih nih cun kan thlacam asau ruang ah hin Pathian nih akan theih piak deuh lai, tiah an ruah. An nih ban tuk in va tuah hlah uh. Zeicahtiah nan pa nih cun nan hal hlan in nan herhmi cu a hngalh cia ko.
Verse 16 ah ( Mi dep de pawl rawl an ulh tik ah hmaichia fiamfum in an I um ter ban tuk in nan nih cu rawl nan nan ulh tik ah I um ter hlah uh. Rawl an ulh ti kan hngal hna she tiin rawltam hniang hnuang in an I chawk. An nih nih cun an laksawng kha tling te in an hmuh cang. Rawl nan ulh tik ah nan hmai I phiah u law nan sam I hriat uh. Cu ticun midang nih rawl an ulh ti awk an in theih lai lo I, hmuh khawh lo mi Pathian lawng lawng nih a hngalh lai.
Minung asimi poah nih Biak nak an ngei dih. Biaknak angei mi poah nih an Pathian sin ah thla an cam cio. Thla acam lo mi cu Biaknak angei lo mi le Pathian angei lo mi an si ti nak asi. Zeicahtiah Pathian an ngeih lo caah Biaknak an ngei lo i, Thlacam awk zong an ngei lo. Asinan, Kan nih Khrihfa Mi nih cun Pathian kan biak mi sin ah thla kan cam hi asi ve. Cucaah Khrihfa asi mi nih Thla cam hrim hrim awk asi. Thla cam lo mi hna cu Biak nak ngei lo mi an si ti nak asi. Pathian ngei lo mi he an i khat ti nak asi.
Bible kan rel mi ah kan hmuh mi cu Jesuh nih achim mi Thlacam nak kong ah ( Midepde thlacam kong phun 3 in a chim mi a tawi nak in kan zoh lai.
1. Midepde pawl nih cun Pumhnak in chung le zalam tlang ah dir riang mang in mi nih ka hmu hna seh tiah thla an cam
2. Midepde pawl nih cun Pathian bialo mi bantuk Thlacamsau le suallam ngei lo in thlacam ban tuk si lo ding
3. Midepde pawl cu rawl ulh tik ah mi nih ka hmu hna seh tiah i chawh, cu ban tuk um lo ding. Hi thilpa 3 bantuk in um lo ding achim duhmi asi.
Acung lei ah chim mi pawl minung hi Laimi lak ah tamtak tak kan um hna i, hmuh lengmang mi zong asi . Nan hmuh cio hna lai ka zumh. Jesuh bia hi a rak hman kho tuk. Kha lio i arak chim mi bia kha, Nihin laimi sining zong ah suallam angei peng rih.
Bible ah Midepde tiah leh mi hi ( Mirang holh in kan zoh tik ah ) Hippocratic ti asi. Asullam cu ( chungthu leng naal )/Asi lo mi rumro thil kha asi ban tuk in va chim le va rel khi achim khi a chim duhmi tiah laiholh cun kan leh khawh.
Vawlei cung Mifim/ theologian pawl nih Thlacam kong ah hmuh ning he cuai vun thlai ta hna usih.
1 . Bruce Lee ( kantheih cio mi taluk Movie star ) bia
Zangawl te ,fawi ten nunnak ding caah thlacam hlah, Harnak tuar in khawhnak ding ca ah thla kan cam ding asi tiah ati.
( Zumtu hna nih zang awl te nun nak caa lawng ah Pathian hi kan i bochan i, harnak caah tuarpi tu ah kan ruah lo caah lungretheihnak kan ton ah Pathian kan mawhchiat tawn. Ataktak ahcun, Zumtu tha nihcun Fawinak ahsiseh, harnak ah siseh kan i bochan zungzal ding Pathian asi )
2.Soren Kierkegaard (1813-1855) Danish philosopher and writer)
Do not make prayer a monologue( pakhat lawng nih chim) -- make it a conversation. Thlacam timi cu pakhat lawng nih chim silo in, kap 2 in bia i ruah asi awk asi.
( vuitampi cu Kanmah lawng nih Pathian sin ah kan chim /kan au len nan, Pathian nih zei achim ti kan thei lo/ kan ngai ti lo) Kan thlacam nak a ping ah apial).
3. Oswald Chambers (1874-1917/ Scottish Baptist and Holiness Movement evangelist and teacher,)
He who fails to pray does not cheat God. He cheats himself. ( Minih Thlacam atlolh mi cu Pathian a hlen kha asi lo, Amah le amah a hlen tu asi deuh.
( Micheu nih thla kan cam kho lo, ee tiah kan aphunphun in kan ti. Ataktak ahcun Pathian kan hlen lawng asi lo, kan mah le kanmah lila kan i hlen asi ) kan mah le kan mah kan i dehcawk khi asi. Thlacam dawnkhan tu kan chim lengmang awk asi lo.
4. Mahatma Gandhi (1869-1948) preeminent leader of Indian nationalism) Prayer is a confession of one's own unworthiness and weakness.
Thlacam timi cu minung nih kan tlinlo nak le chambaunak vial te kha , mah te in i theih/i ngalh khi asi.
( Micheu nih Thlacam hi phundang pi khin kan ruah i, kanduhmi lawng te kan hal lio ah, Kanmah pumpak chambau nak/ sualnak/ i ngaihchih nak /toidor nak thinlung te hna zong hi kan philh tawn).
5. Mother Teresa (August 26, 1910 ah Macedonia khua ah achuak,an ethnic Albanian, Indian Roman Catholic nun asi)
I do not pray for success, I ask for faithfulness. ( teinak /hlawhtlin nak caah thla ka cam lo, zumhawktlak sinak ding caah ka cam. tiah ati.
( Zumhtu cheu khat cu Amiak rumro le hlawhtlin nak caah Pathian sin ah thla kan cam tawn i, Zumhawk tlak minung kan rak si aherh kha kan thei tawnlo. Zumhawk tlak hmanh si hlan ah , kan duhmi lawng hal luaimai le chim luai mai khi , Pathian duhmi asi lo.
Adangtampi chim awk aum rih. Acunglei Mifim biachim mi pawl hi Atawinak in Kan Bible rel mi he khan pehton i zoh than tuah hna usih.
Khrihfa tampi cu kan lungput le Kan tuahsernak aakhat tawn lo. Acaan ah thlacam hi zei alawh kan i fiang lo tik ah midepde thlacam bantuk ah kan cang dih tawn. Khrihfa asi lo mi hna hmanh nih thlacam suallam an chim mi khi Khrihfa mi hna caah izohchunh awk tlak bia lawng te an si hna.
Laimi/Lairam ah apoi ngai mi pakhat cu Thlacam hi Pungsan ( system/form ) bantuk in aruat mi an um. Kut hler lawng lawng hi a hman/ Khuk bil theng te aherh ti ban tuk. Mit chinh theng aherh ti bantuk in Pathian duhmi asi le silo kan tahchunh tawn. Ataktak ah cun Pungsan ( form) te hna nak in , Lungthin abiapi bik ti hi Jesuh nih akan cawnpiak mi asi deuh. Motor mawnghpah te hna zong ah/ Riantuan pah zong ah Thlacam khawh asi. Biakinn chung ah Khukbil thlacam theng mang zong khi aherh hlei lo.
Zumtu tampi nih Khrihfa Upa le pastor pawl ,Thlacam an fial tik hna ah an chim tawn mi cu ( Ka dam lo i, ka dam nak ding caah thla ka cam piak uh tiah an fial hna. Doctor nih zuding hlah/ kuak zu hlah/ khaini zong tawng hlah, Atlum le aal zong tamtuk ei hlah , na ei ahcun na zawtnak asual chin sual lai tiah an ti hna. Asinan, An dam nak ding caah Doctor te nih an fial mi hna an tuahduh lo i, Thlacam lawng lawng kha an i bochan tik ah Minung thisen nih aherhmi rak tuah ve hrawt lo ahcun zawtzong adam kho hlei lo. Cutik ah Kan thlacam hi Pathian nih a ka let lo tiah kan phun zai tawn. Ataktak ahcun, Dam aduhmi nih cun Thlacam lawng si lo in, eilo ding le dinlo ding vial te a hrial ve hrim hrim aherh mi asi. Kan hrail khawh tung lo ah cun Thlacam zong ah hal lengmang awk asi lo tiah ka ruah. Pathian duhmi ziaza zong asi lai lo.
Isaiah 1:15-16 ( Thlacam in nan kut nan hler tik ah kan zoh duh hna lo. Zeizet tam hmanh in cam u law kan ngaihpiak hna lai lo. Zeicahtiah, nan kut ah thisen aa neh. Thiang te in I khawlh uh. Nantuah lengmang ka hmuh mi tthatlonak hi ngol hna uh. ( Zumtu hna nih Kan thlacam hlawh atlin lo nak aruang hi kan thei tawn lo. Kan cam/ kan hal poah ah kan hmuh awk asi ti lawng in kan ruah. Pathian hmai ah tawidor nak/ I ngaichihnak/ i bochan taktak nak le zumhawk tlak ...vial te nun hi kan ngaih khawh lo caah Pathian nih kan thlacam hi hlawh atlin ter lo atampi. Kan sual lengmang bu in, Pathian thlarau thawn nak kan sin ah alang kho tawn lo ti hi theih aherh ngai ngai.
Isaiah 59:1- 4( Bawi pa cu nanmah khawmh awk ah akut atawi lo. Bawmhnak nan hal mi theih nak caah ahne achet lo. An theih hna lo cu nan sualnak ruang ah asi. Biak nan timh tik ah amanh sin phanh an dawn tu hna cu sualnak kha asi. Lih nan chim , nan puar I lai nan nawn. Biaceihnak hmun ah nan kal. sihmanhsehlaw, aho hmanh bia hman a chim mi nan um lo. Nan bia tei khawh nak caah lih khan an I bochan. ( Zumtu nih Lih kan chim / mi va tei nak caah bia hman lo kan chim mi le biaceihnak hmun/ misual mi hna khuakhan nak ah kan thut/ kan dir bu ah Thla kan cam tik ah Pathian aa phuang kho tawn lo.
James 4:1 ( Cun Nan hal tik ah nan hmu kho lo, zeicahtiah nan I tinhmi kha a tha lo, nanmah nuamhnak caa lawng ah nan hal. ( Pathian sin ah Thla kan cam i, Phaisa kan hal, rum nak sui le ngan kan hal tik ah a kan pek hrim hrim lai tiah kan ruah. Asinan, Pathian nih aduhmi ziaza kan ngei kho lo. Phaisa na hal i, sihmanhsehlaw, Pathian nih an pek tik ah Zudin nak le sualtuahnak ah na hman ding kha atheih ahcun an pe naisai lai lo. Kan hal lio ah pei kan lungput cu Pathian nih a kan hmuh dih cang cu. Phaisa angei mi laimi khrihfa tampi, Pastor le zumtu tamdeuh cu hmual an pho tawn nak cu , Pathian thlachuah an hal mi suingun chawva hna cu pathian sunpar nak caah hman ti lo in , satan caah an pek than lengmang. Pathian hleng tu an si. Cucaah Mah nuamhnak caa/ chungkhar le mah miaknak caah Pathian sin ah thlacam mi nih an hmu kho lo.
Psalm 66:18 (Ka sual nak kha rak thup ning law ka thlacam nak cu a ka ngaihpiak hnga lo. ( Hi ka zawn ah, Pathian hmai ah sual thup lo ten , kan um ahcun Pathian nih kan thlacam nak a kan ngei piak ti nak asi. Sual thuh kan hman tik ah , Pathian sin ah kan lungthin dihlak/ kan ruahnak dihlak/ aphun kho lo i, sualnak kha kan chung ah aum rih bu in thla kan cam hi Pathian duhmi an si lo.
John 15:7 ka chung I nan um I ka bia khan an chung ah ahmunh ah cun , nan duhmi poah kha nan ka hal lai I nan hmuh ko lai. Hi ka zaawn ah achim duhmi cu Pathian chung ah kan um lo bu in thla kan cam tik ah kan chung ah Pathian a um ve lo i, kan thlacam atling ve lo) Abia ngaih tung lo ah cun Thlachuah he cun kan i hlat tuk ti nak asi.
1 John 5:14 ( Amah duhning in kan hal ahcun kan halmi poah kha a kan pek hrimhrim lai ti kan zumh caah Pathian cu tihnak zeihmanh um lo in kan fuh ngam. ( Hi ka zawn ah chim mi cu A mah bia zulh ti si lo in, Amah Pathian duhning in kan hal lawng ah Kan hal mi poah kha a kan pek ve lai ti nak asi. Amah duhning in kan hal tung lo ahcun Kan hal mi cu pak pa lawng a si lai. Anawl zulh lo/ a duhning in kan hal thiam lo, hak kai taktak/ a hleihluat / aduhnak kan hal thiam lo ahcun kan thlacam mi cu hlawh atling kho ve lo ti nak asi.
Biadonghnak : Jesuh nih Midepde ( chungthu lengnaal ) thlacam biana bia chung ah hin zeiban tuk Khrihfa muisam dah kan ngeih awk asi ti cu a fian ter dih. Midepde thlacam cu Pathian nih aduhlo zia kha kan theih tik ah Kan khrihfa Bu cio ah zeibantuk thlacam mi dah kan si awk asi ti kha kan i fian aherh ve. Lenglang i, Thlacam thiam i zuam te hna hi Zumtu dirhmun asi lo. chungthu lengnaal thlacam an si. Thlacam sau em em in va cam zong kan thinlung ah samfatia hmanh zumhawk tlak sinak a um lo ahcun pak palawng asi thiam. Rawl ulh thlacam zong mi nih ka theih hna seh tiah , va au khuan len / va chim rel len khi porhlawt nak men men an si ahcun Pathian duhmi an si hna lo.
Pathian nih aduh deuhmi cu ( Mi hmuhlo nak ah toidawr ten thla va cam ) le Thlacam tawi fiang in, herhmi kha lungtak te le zumhnak he cam kha aduh deuh. Rawl ulh tik zong ah mi va theih ter thengmang hau lo in, ulh lengmang ding asi ko. rumkai nak le porhlawt nak cu Thlachuah dawn khan tu an si. Thlacam hlawh tlin lo nak an si.
Cucaah, Midepde thlacam bantuk Khrihfa kan si nak hnga lo, Jesuh nih chim mi bianabia in i cawn hna usih.
Tampi ka lawm
( cafang palh ka chek manh ti lo i apalh nak um sual ahcun aruahzia ka thiam te uh)
Kawi Eng
Melbourne
Note: Hi Sermon cu Steven Ral Eng nih Bawipa Saltha facebook ah a rak thlah mi a si.
Nan zapi thawngtha bia i hrawm ding in kan sawm hna. Ka lung ah achuak ngai i ka rak tial mi asi. Asau pah i lungsau ten ka rel piak te uh.
Khrihfa mi kan nun nak ah Thlacam nak hi abiapi tuk mi asi ti kan theih. Sihmanhsehlaw, Thlacam suallam hi Bible in siseh, vawlei mifim hna nih an hmuh ning zong in zohpiak ve aherh. Cuai thlai piak aherh ngai. Cucaah keimah zong nih Thlacam kong ah ka hmuhning i hrawm dingin sermon tlawm pal ka hun tial ve.
Bible : Mathai 6 : 5-7, 16 nak rel hna usih. Mi depde hna Thlacam kong
Verse 5 ( Thla nan cam tik ah midepde pawl nih an caam ban tuk in va cam ve hlah uh. An nih nihcun mi nih ka hmu hna seh ti in Pumhnak inn chung I dir riangmang I cam le zatlang lam ton nak I cam kha an duh.
Verse 6 : Sihmanhsehlaw, Nan nih cu thla nan cam tik ah nan inn khan chung ah va lut uh law , in kaa va khar khumh uh law , cu ti cun hmuh khawh lo mi nan pa sin ah khan va cam uh. Athli te in nan tuah mi ahmu tu nan pa nih khan laksawng an pek hna lai.
Verse 7: Thla nan cam tik ah , Pathian bia lo mi hna nih sullam angei setlo mi biatampi an hman ban tuk in va hmang ve hlah uh. An nih nih cun kan thlacam asau ruang ah hin Pathian nih akan theih piak deuh lai, tiah an ruah. An nih ban tuk in va tuah hlah uh. Zeicahtiah nan pa nih cun nan hal hlan in nan herhmi cu a hngalh cia ko.
Verse 16 ah ( Mi dep de pawl rawl an ulh tik ah hmaichia fiamfum in an I um ter ban tuk in nan nih cu rawl nan nan ulh tik ah I um ter hlah uh. Rawl an ulh ti kan hngal hna she tiin rawltam hniang hnuang in an I chawk. An nih nih cun an laksawng kha tling te in an hmuh cang. Rawl nan ulh tik ah nan hmai I phiah u law nan sam I hriat uh. Cu ticun midang nih rawl an ulh ti awk an in theih lai lo I, hmuh khawh lo mi Pathian lawng lawng nih a hngalh lai.
Minung asimi poah nih Biak nak an ngei dih. Biaknak angei mi poah nih an Pathian sin ah thla an cam cio. Thla acam lo mi cu Biaknak angei lo mi le Pathian angei lo mi an si ti nak asi. Zeicahtiah Pathian an ngeih lo caah Biaknak an ngei lo i, Thlacam awk zong an ngei lo. Asinan, Kan nih Khrihfa Mi nih cun Pathian kan biak mi sin ah thla kan cam hi asi ve. Cucaah Khrihfa asi mi nih Thla cam hrim hrim awk asi. Thla cam lo mi hna cu Biak nak ngei lo mi an si ti nak asi. Pathian ngei lo mi he an i khat ti nak asi.
Bible kan rel mi ah kan hmuh mi cu Jesuh nih achim mi Thlacam nak kong ah ( Midepde thlacam kong phun 3 in a chim mi a tawi nak in kan zoh lai.
1. Midepde pawl nih cun Pumhnak in chung le zalam tlang ah dir riang mang in mi nih ka hmu hna seh tiah thla an cam
2. Midepde pawl nih cun Pathian bialo mi bantuk Thlacamsau le suallam ngei lo in thlacam ban tuk si lo ding
3. Midepde pawl cu rawl ulh tik ah mi nih ka hmu hna seh tiah i chawh, cu ban tuk um lo ding. Hi thilpa 3 bantuk in um lo ding achim duhmi asi.
Acung lei ah chim mi pawl minung hi Laimi lak ah tamtak tak kan um hna i, hmuh lengmang mi zong asi . Nan hmuh cio hna lai ka zumh. Jesuh bia hi a rak hman kho tuk. Kha lio i arak chim mi bia kha, Nihin laimi sining zong ah suallam angei peng rih.
Bible ah Midepde tiah leh mi hi ( Mirang holh in kan zoh tik ah ) Hippocratic ti asi. Asullam cu ( chungthu leng naal )/Asi lo mi rumro thil kha asi ban tuk in va chim le va rel khi achim khi a chim duhmi tiah laiholh cun kan leh khawh.
Vawlei cung Mifim/ theologian pawl nih Thlacam kong ah hmuh ning he cuai vun thlai ta hna usih.
1 . Bruce Lee ( kantheih cio mi taluk Movie star ) bia
Zangawl te ,fawi ten nunnak ding caah thlacam hlah, Harnak tuar in khawhnak ding ca ah thla kan cam ding asi tiah ati.
( Zumtu hna nih zang awl te nun nak caa lawng ah Pathian hi kan i bochan i, harnak caah tuarpi tu ah kan ruah lo caah lungretheihnak kan ton ah Pathian kan mawhchiat tawn. Ataktak ahcun, Zumtu tha nihcun Fawinak ahsiseh, harnak ah siseh kan i bochan zungzal ding Pathian asi )
2.Soren Kierkegaard (1813-1855) Danish philosopher and writer)
Do not make prayer a monologue( pakhat lawng nih chim) -- make it a conversation. Thlacam timi cu pakhat lawng nih chim silo in, kap 2 in bia i ruah asi awk asi.
( vuitampi cu Kanmah lawng nih Pathian sin ah kan chim /kan au len nan, Pathian nih zei achim ti kan thei lo/ kan ngai ti lo) Kan thlacam nak a ping ah apial).
3. Oswald Chambers (1874-1917/ Scottish Baptist and Holiness Movement evangelist and teacher,)
He who fails to pray does not cheat God. He cheats himself. ( Minih Thlacam atlolh mi cu Pathian a hlen kha asi lo, Amah le amah a hlen tu asi deuh.
( Micheu nih thla kan cam kho lo, ee tiah kan aphunphun in kan ti. Ataktak ahcun Pathian kan hlen lawng asi lo, kan mah le kanmah lila kan i hlen asi ) kan mah le kan mah kan i dehcawk khi asi. Thlacam dawnkhan tu kan chim lengmang awk asi lo.
4. Mahatma Gandhi (1869-1948) preeminent leader of Indian nationalism) Prayer is a confession of one's own unworthiness and weakness.
Thlacam timi cu minung nih kan tlinlo nak le chambaunak vial te kha , mah te in i theih/i ngalh khi asi.
( Micheu nih Thlacam hi phundang pi khin kan ruah i, kanduhmi lawng te kan hal lio ah, Kanmah pumpak chambau nak/ sualnak/ i ngaihchih nak /toidor nak thinlung te hna zong hi kan philh tawn).
5. Mother Teresa (August 26, 1910 ah Macedonia khua ah achuak,an ethnic Albanian, Indian Roman Catholic nun asi)
I do not pray for success, I ask for faithfulness. ( teinak /hlawhtlin nak caah thla ka cam lo, zumhawktlak sinak ding caah ka cam. tiah ati.
( Zumhtu cheu khat cu Amiak rumro le hlawhtlin nak caah Pathian sin ah thla kan cam tawn i, Zumhawk tlak minung kan rak si aherh kha kan thei tawnlo. Zumhawk tlak hmanh si hlan ah , kan duhmi lawng hal luaimai le chim luai mai khi , Pathian duhmi asi lo.
Adangtampi chim awk aum rih. Acunglei Mifim biachim mi pawl hi Atawinak in Kan Bible rel mi he khan pehton i zoh than tuah hna usih.
Khrihfa tampi cu kan lungput le Kan tuahsernak aakhat tawn lo. Acaan ah thlacam hi zei alawh kan i fiang lo tik ah midepde thlacam bantuk ah kan cang dih tawn. Khrihfa asi lo mi hna hmanh nih thlacam suallam an chim mi khi Khrihfa mi hna caah izohchunh awk tlak bia lawng te an si hna.
Laimi/Lairam ah apoi ngai mi pakhat cu Thlacam hi Pungsan ( system/form ) bantuk in aruat mi an um. Kut hler lawng lawng hi a hman/ Khuk bil theng te aherh ti ban tuk. Mit chinh theng aherh ti bantuk in Pathian duhmi asi le silo kan tahchunh tawn. Ataktak ah cun Pungsan ( form) te hna nak in , Lungthin abiapi bik ti hi Jesuh nih akan cawnpiak mi asi deuh. Motor mawnghpah te hna zong ah/ Riantuan pah zong ah Thlacam khawh asi. Biakinn chung ah Khukbil thlacam theng mang zong khi aherh hlei lo.
Zumtu tampi nih Khrihfa Upa le pastor pawl ,Thlacam an fial tik hna ah an chim tawn mi cu ( Ka dam lo i, ka dam nak ding caah thla ka cam piak uh tiah an fial hna. Doctor nih zuding hlah/ kuak zu hlah/ khaini zong tawng hlah, Atlum le aal zong tamtuk ei hlah , na ei ahcun na zawtnak asual chin sual lai tiah an ti hna. Asinan, An dam nak ding caah Doctor te nih an fial mi hna an tuahduh lo i, Thlacam lawng lawng kha an i bochan tik ah Minung thisen nih aherhmi rak tuah ve hrawt lo ahcun zawtzong adam kho hlei lo. Cutik ah Kan thlacam hi Pathian nih a ka let lo tiah kan phun zai tawn. Ataktak ahcun, Dam aduhmi nih cun Thlacam lawng si lo in, eilo ding le dinlo ding vial te a hrial ve hrim hrim aherh mi asi. Kan hrail khawh tung lo ah cun Thlacam zong ah hal lengmang awk asi lo tiah ka ruah. Pathian duhmi ziaza zong asi lai lo.
Isaiah 1:15-16 ( Thlacam in nan kut nan hler tik ah kan zoh duh hna lo. Zeizet tam hmanh in cam u law kan ngaihpiak hna lai lo. Zeicahtiah, nan kut ah thisen aa neh. Thiang te in I khawlh uh. Nantuah lengmang ka hmuh mi tthatlonak hi ngol hna uh. ( Zumtu hna nih Kan thlacam hlawh atlin lo nak aruang hi kan thei tawn lo. Kan cam/ kan hal poah ah kan hmuh awk asi ti lawng in kan ruah. Pathian hmai ah tawidor nak/ I ngaichihnak/ i bochan taktak nak le zumhawk tlak ...vial te nun hi kan ngaih khawh lo caah Pathian nih kan thlacam hi hlawh atlin ter lo atampi. Kan sual lengmang bu in, Pathian thlarau thawn nak kan sin ah alang kho tawn lo ti hi theih aherh ngai ngai.
Isaiah 59:1- 4( Bawi pa cu nanmah khawmh awk ah akut atawi lo. Bawmhnak nan hal mi theih nak caah ahne achet lo. An theih hna lo cu nan sualnak ruang ah asi. Biak nan timh tik ah amanh sin phanh an dawn tu hna cu sualnak kha asi. Lih nan chim , nan puar I lai nan nawn. Biaceihnak hmun ah nan kal. sihmanhsehlaw, aho hmanh bia hman a chim mi nan um lo. Nan bia tei khawh nak caah lih khan an I bochan. ( Zumtu nih Lih kan chim / mi va tei nak caah bia hman lo kan chim mi le biaceihnak hmun/ misual mi hna khuakhan nak ah kan thut/ kan dir bu ah Thla kan cam tik ah Pathian aa phuang kho tawn lo.
James 4:1 ( Cun Nan hal tik ah nan hmu kho lo, zeicahtiah nan I tinhmi kha a tha lo, nanmah nuamhnak caa lawng ah nan hal. ( Pathian sin ah Thla kan cam i, Phaisa kan hal, rum nak sui le ngan kan hal tik ah a kan pek hrim hrim lai tiah kan ruah. Asinan, Pathian nih aduhmi ziaza kan ngei kho lo. Phaisa na hal i, sihmanhsehlaw, Pathian nih an pek tik ah Zudin nak le sualtuahnak ah na hman ding kha atheih ahcun an pe naisai lai lo. Kan hal lio ah pei kan lungput cu Pathian nih a kan hmuh dih cang cu. Phaisa angei mi laimi khrihfa tampi, Pastor le zumtu tamdeuh cu hmual an pho tawn nak cu , Pathian thlachuah an hal mi suingun chawva hna cu pathian sunpar nak caah hman ti lo in , satan caah an pek than lengmang. Pathian hleng tu an si. Cucaah Mah nuamhnak caa/ chungkhar le mah miaknak caah Pathian sin ah thlacam mi nih an hmu kho lo.
Psalm 66:18 (Ka sual nak kha rak thup ning law ka thlacam nak cu a ka ngaihpiak hnga lo. ( Hi ka zawn ah, Pathian hmai ah sual thup lo ten , kan um ahcun Pathian nih kan thlacam nak a kan ngei piak ti nak asi. Sual thuh kan hman tik ah , Pathian sin ah kan lungthin dihlak/ kan ruahnak dihlak/ aphun kho lo i, sualnak kha kan chung ah aum rih bu in thla kan cam hi Pathian duhmi an si lo.
John 15:7 ka chung I nan um I ka bia khan an chung ah ahmunh ah cun , nan duhmi poah kha nan ka hal lai I nan hmuh ko lai. Hi ka zaawn ah achim duhmi cu Pathian chung ah kan um lo bu in thla kan cam tik ah kan chung ah Pathian a um ve lo i, kan thlacam atling ve lo) Abia ngaih tung lo ah cun Thlachuah he cun kan i hlat tuk ti nak asi.
1 John 5:14 ( Amah duhning in kan hal ahcun kan halmi poah kha a kan pek hrimhrim lai ti kan zumh caah Pathian cu tihnak zeihmanh um lo in kan fuh ngam. ( Hi ka zawn ah chim mi cu A mah bia zulh ti si lo in, Amah Pathian duhning in kan hal lawng ah Kan hal mi poah kha a kan pek ve lai ti nak asi. Amah duhning in kan hal tung lo ahcun Kan hal mi cu pak pa lawng a si lai. Anawl zulh lo/ a duhning in kan hal thiam lo, hak kai taktak/ a hleihluat / aduhnak kan hal thiam lo ahcun kan thlacam mi cu hlawh atling kho ve lo ti nak asi.
Biadonghnak : Jesuh nih Midepde ( chungthu lengnaal ) thlacam biana bia chung ah hin zeiban tuk Khrihfa muisam dah kan ngeih awk asi ti cu a fian ter dih. Midepde thlacam cu Pathian nih aduhlo zia kha kan theih tik ah Kan khrihfa Bu cio ah zeibantuk thlacam mi dah kan si awk asi ti kha kan i fian aherh ve. Lenglang i, Thlacam thiam i zuam te hna hi Zumtu dirhmun asi lo. chungthu lengnaal thlacam an si. Thlacam sau em em in va cam zong kan thinlung ah samfatia hmanh zumhawk tlak sinak a um lo ahcun pak palawng asi thiam. Rawl ulh thlacam zong mi nih ka theih hna seh tiah , va au khuan len / va chim rel len khi porhlawt nak men men an si ahcun Pathian duhmi an si hna lo.
Pathian nih aduh deuhmi cu ( Mi hmuhlo nak ah toidawr ten thla va cam ) le Thlacam tawi fiang in, herhmi kha lungtak te le zumhnak he cam kha aduh deuh. Rawl ulh tik zong ah mi va theih ter thengmang hau lo in, ulh lengmang ding asi ko. rumkai nak le porhlawt nak cu Thlachuah dawn khan tu an si. Thlacam hlawh tlin lo nak an si.
Cucaah, Midepde thlacam bantuk Khrihfa kan si nak hnga lo, Jesuh nih chim mi bianabia in i cawn hna usih.
Tampi ka lawm
( cafang palh ka chek manh ti lo i apalh nak um sual ahcun aruahzia ka thiam te uh)
Kawi Eng
Melbourne
Note: Hi Sermon cu Steven Ral Eng nih Bawipa Saltha facebook ah a rak thlah mi a si.